Արդեն վաղուց ողջ աշխարհին հայտնի է, որ արևելյան ժողովուրդները հանգիստ բնավորություն ունեն, ուշանում են, սիրում են առավոտյան քնել, իսկ մենք` հայերս, եթե նկատել եք, մի այլ առանձնահատկություն ունենք. չենք սիրում սպորտով զնաղվել: ԵՊՀ-ի ղեկավարությունն էլ բնականաբար երկար մտորելուց հետո գիտակցեց, որ հայ արևելագետները էլ ավելի սպորտատյաց կլինեն (մի կողմից ազգությունը, մյուս կողմից էլ մասնագիտությունը կրկնակի ազդեցություն են թողնում` բարենպաստ պայմաններ ստեղծելով արևելագետների օրգանիզմում սպորտատյացության զարգացման համար), և, բնականաբար, որոշեց միջոցներ ձեռնարկել: Երկարատև և թեժ խորհրդատվություններից հետո որոշվեց, որ անհրաժեշտ է նախ և առաջ պայմաններ ստեղծել ուսանողների համար: Քանի որ շենքում ազատ դահլիճ չկար (սկզբում դիտարկվում էր Ֆիրդուսու անվան դահլիճը վերափոխել մարզադահլիճի, բայց կենտրոնական մասնաշենքի լուսավոր ուղեղներից մեկը հիշեց, որ Ֆիրդուսին մեծ բանաստեղծ է եղել, և ճիշտ չի լինի նրա անունով մարզադահլիճ հիմնել: Բացի այդ էլ, ոչ ոք չկարողացավ հիշել, թե ինչ սպորտաձևով էր զբաղվել Ֆիրդուսին, և այդ տարբերակը դուրս մղվեց հետագա քննարկումների շրջանակից), որոշվեց մարզաձողեր տեղադրել առաջին հարկի միջանցքում: Դա բավականին խելացի որոշում էր, քանի որ հեռու գնալ պետք չէր, միանգամից առաջին հարկում կարելի էր օգտվել այդ հարմարություններից, թե չէ մեկ էլ 2-3 հարկ պետք էր լինելու բարձրանալ…
Մի խոսքով ԵՊՀ-ի անհայտ, սակայն` խելացի, բարերարների ջանքերով արևելագետներն էլ մարզվելու համար համապատասխան պայմանների արժանացան:
Իսկ վերջում` հռետորիկ հարց 
Մի՞թե ես սխալ եմ հասկացել նկարում պատկերված ձողերի նշանակությունը: Հարցին պատասխանելիս խնդրում եմ հաշվի առնել, որ դրանք բոլորովին էլ չեն արգելում ամեն տեսակի օտար-անծանոթ դասախանգարիչ անձանց ներթափանցմանը
…..հա հաաաա
… էս ընդամենը մասնաշենքի երթևությունը դանդաղեցնելու ու խցանումներ առաջացնելու նպատակով ա… չէ՞ որ չնայած մեր մասնաշենքը “մի քիչ” մաշվել ա, բայց պիտի ժամանակին համընթաց քայլի: Մասնաշենքի առաջին հարկը նման ա մեծ քաղաքի կենտրոնի, որտեղ հանդիպում են մտավոր տարբեր կատեգորիաների պատկանող անձինք…
Իսկ ավելի լուրջ… Աննա ջան ՀՈՅԱԿԱՊ ես գրել… «բարենպաստ պայմաններ ստեղծելով արևելագետների օրգանիզմում սպորտատյացության զարգացման համար»… շաաաատ լավն էր
Աննա ջան, աննկարագրելի լավն էր քո գրածը: Օժտված էր բարձր հումորի նրբազգացությամբ, ու հիմա ես ամաչում եմ, որ չեմ կարողանում հայերենի հարուստ գանձարանից ամենաարժանի բառերը գտնել` գրածդ հավուր պատշաճի գովեստի արժանացնելու համար:
Նախ ուզում եմ շնորհակալություն հայտնել Մետաքսյային, որի համառ պնդումներից հետո միայն տեղի տվեցի և մտա արևելք.ինֆո` անձամբ տեղեկանալու այն գրվածքին, որը Մետաքսյայի հավաստմամբ ևս մեկ անգամ ապացուցում է Աննա Փամբուխչյանի անգերազանցելի հումորային մտահորիզոնը: Ես երկուսիդ էլ շնորհակալություն եմ հայտնում: Աննա, քեզ, որ այսքան շատ “ցե” վիտամին պարգևեցիր ինձ (Մետաքսյան վկան էր այն էքստատիկ և ուժասպառ անող ծիծաղին, որի մեջ ես հայտնվեցի կարդալու ընթացքում ու երկար ժամանակ չէի կարողանում շարունակել կարդալ, մինչև որ վերջին անգամ հավաքեցի բոլոր ուժերս և հևասպառ ավարտին հասցրեցի ընթերցանությունս), Մետաքս ջան, քեզ, որ բերեցիր ինձ դեպի այս վիտամինային հանքը:
ՇՆՈՐՀԱԿԱԼՈՒԹՅՈՒՆ
Երեխեք ջան, շատ-շատ ապրեք!!!! Հիշեցի հին ֆոթուվվաթային օրերը
Ես էլ եմ հիմա կչկչում 
Ապրեք ախիներ ջան 
Հա.. էս Վարդգեսը հեռախոսի մեջ էնքաաան ծիծաղեց, 5 րոպեի նյութը 20 րոպեում հազիվ կարդաց..
Իսկական ֆաթայի հումոր ա Ան ջան, երանի ֆութուվվայի մի կուրս էլ անցնեինք…
Դե հույսեր կան, որ երկար սպասված գիտնականը կժամանի մայիսին ու մի քիչ էլ կուրախանանք
inshaallah…
Աննա ջան հրաշալի հումորի զգացում ունես…Շատ դուրս եկավ ու իսկապես ես էլ մի լավ ծիծաղեցի, հետո էլ կարդացի Վարդգեսի մեկնաբանությունը, պատկերացրի նրան քահ-քահ ծիծաղելիս ու նորից բարի ժպիտ հայտնվեց դեմքիս…Աննա ջան, կսպասենք նորանոր հոդվածների…
Ժողովուրդ , ֆոթովվաթի դասեր լինելու դեպքում, ինձ էլ տեղյակ կպահեք…
Շնորհակալություն Աննա ջան, փորձում եմ խայտառակ չլինել էլի
))))